تجميل وصالونات مشروع موثّق

موعديMawdi

بوت واتساب للصالونات والمراكز: بيرد وبيحجز من المواعيد الفاضية وبيذكّر

يبدأ من $199 · 3 خيارات شوف الأسعار

لقطة من موعدي

شو بيعمل

بوت شغّال على mawdi.app بيرد على رقم واتساب الصالون أو المركز نفسه، وبيحجز وبيذكّر.

بيرد على كل زبون بيراسل بقائمة (حجز، مواعيدي، الأسعار، الموقع والدوام، موظف)، وبيفهم كلام زي «بدي موعد بكرة» و«بكم الصبغة». بيحجز من المواعيد الفاضية فعلًا: الخدمة بمدتها، ومع مين، وأيام الدوام، والإجازات، والمواعيد المحجوزة، وما بيسمح بحجزين بنفس الوقت.

بيذكّر قبل يوم بخيارات «أكيد جاي، بدي أغيّر، إلغاء»، وقبل ساعتين كمان، والزبون بيغيّر أو بيلغي لحاله. وأول ما موظف يرد من الجوال، البوت بيسكت بهالمحادثة. والسؤال اللي ما بيعرفه بيتحوّل لموظف مع تنبيه للاستقبال، فما بيخترع أجوبة.

الاستقبال بيوصله على الواتساب كل حجز وتغيير وإلغاء، وكل موظف بيوصله جدوله. وفي صفحة حجز للبايو مع كود QR للكاونتر، ورسالة شكر بعد الموعد مع رابط تقييم جوجل (اختيارية).

اللوحة فيها تقويم بعمود لكل موظف، والمحادثات مع الرد منها، و«جرّب البوت» (محاكي واتساب بدون ما يبعت لحدا)، والخدمات والفريق، والدوام والإجازات، ونصوص الرسائل.

نسختين من نفس الكود: للموزّع (لوحة فيها كل الأنشطة، وبيغيّر الاسم واللون من اللوحة وبيبيعه باسمه)، وللنشاط مباشرة (تسجيل ذاتي، و7 أيام تجربة، وبعدها اشتراك 19$ بالشهر بـStripe).

الواتساب بيمسكه برنامج ويندوز صغير، والـQR بيطلع عليه وباللوحة. وبالصفحة الرئيسية البوت الحقيقي على صالون تجريبي، والحجز بينزل بالتقويم قدامك، و/demo بيفتح لوحة الصالون ببيانات 3 أسابيع.

ملاحظات لازم تعرفها قبل الشراء:

- الربط مع واتساب غير رسمي (Baileys)، ومش WhatsApp Business API. واتساب ممكن يفصل الجهاز أو يحظر الرقم بأي وقت، وما في ضمان. أغلب الرسائل ردود على زباين بيراسلوا، والتذكيرات بتطلع وحدة وحدة بتباعد عشوائي وبحد 40 بالساعة.

- بيحتاج كمبيوتر ويندوز شغّال (بالنشاط أو عند الموزّع).

- الدورة كاملة مجرّبة (26 فحص للمحادثة و61 للدورة)، والبرنامج الحقيقي طلّع QR حقيقي، بس لسا ما انمسح برقم حقيقي لآخر الدورة.

- الربط مع Google Calendar مش موجود، والتقويم داخلي.

- العيادات الطبية: لازم تراجع قوانين البيانات الصحية ببلدك.

- الخطوط (GE SS Two وFutura PT) مرخّصة لنا. لازم تشتري ترخيصك أو تبدلها بخط مفتوح.

- منصة جديدة بدون إيرادات.

الميزات

  1. 01بوت بيرد على رقم واتساب النشاط نفسه
  2. 02حجز من المواعيد الفاضية فعلًا بدون تعارض
  3. 03تذكير قبل يوم وقبل ساعتين بخيارات
  4. 04البوت بيسكت لما الموظف يرد من الجوال
  5. 05تحويل لموظف مع تنبيه للاستقبال
  6. 06تقويم بعمود لكل موظف
  7. 07صفحة حجز للبايو مع كود QR
  8. 08«جرّب البوت» بدون ما يبعت لحدا
  9. 09نسخة للموزّع باسمه ولونه من اللوحة
  10. 10نسخة للنشاط بتسجيل ذاتي واشتراك بـStripe

الأسعار: شو بتاخد بكل سعر

البندالكود بس$199الكود + تحديثات ودعم$399المشروع كامل إلك$799
نسخة كاملة من الكودنعمنعمنعم
تعدّل على الكود براحتكنعمنعمنعم
لكم عميل أو مطعم؟واحد بس. لكل عميل جديد ترخيص جديدواحد بس. لكل عميل جديد ترخيص جديدبلا حدود
تحديثاتلا6 شهوربتحدّثه إنت، الكود كله إلك
دعم من البائعلا1 شهور90 يوم بعد التسليم
بزانيس بتركّبه إلك مجانًالانعمنعم
اسم المشروع ودومينه إلكلالانعم
تقدر تبيع المشروع نفسهلالانعم
قاعدة البيانات والمستخدمينلالانعم
التصاميم والمحتوىنعمنعمنعم
ملفات شرح وتسليم (كيف يشتغل وكيف تنقل الحسابات)نعمنعمنعم
اختار

الشروط الكاملة للتراخيص

كيف بتشتري بأمان

  1. بتدفع لبزانيس، مش للبائعفلوسك بتضل محفوظة عنا.
  2. بتستلم وبتجرّب 72 ساعةالبائع بيسلّمك الكود والحسابات بصفحة الصفقة، وبنفحصها قبل ما توصلك.
  3. بعدها بس البائع بياخد فلوسهإذا ناقص شي أو ما طابق الإعلان، بتفتح اعتراض، وبنكمّل التسليم أو بنرجّعلك فلوسك.
بتعرف البائع شخصيًا وبدك تدفعله مباشرة؟

ممكن، وبدون رسوم. بس وقتها بزانيس مش طرف، وما بنقدر نرجّعلك فلوسك إذا صار خلاف.

عن المشروع

لمين

وكالات التسويق وموزّعي الأنظمة اللي بدهم منتج شهري باسمهم، وأي حدا بده يبيع اشتراكات للصالونات ومراكز التجميل والنوادي والعيادات

الدخل

لسا ما بلّش يجيب دخل. بتشتري المنتج جاهز، والتسويق عليك.

ليش بينباع

بنبني منتجات كثير، وبنبيع الجاهز منها لحدا يتفرّغ لتسويقه وتشغيله.

البائع

حامدالأردن

عندك سؤال عن المشروع؟

الأسئلة والأجوبة هون بتبيّن للكل. الأرقام والإيميلات بتنخفى.

سجّل دخول واسأل
تفاصيل أكثرالتقنية للمبرمجين، خطة التسويق، سجل التحديثات

التقنية

مبني على

Cloudflare WorkersD1R2Vanilla JSNode 22Baileys 7

خدمات خارجية

CloudflareStripeWhatsApp (Baileys)Anthropic (اختياري)

كيف ممكن يجيب دخل

اشتراك شهري للنشاط بـ19$ (بيتغير من اللوحة) مع تجربة 7 أيام، والموزّع بيسعّر لزباينه زي ما بده. التكلفة شبه صفر: Cloudflare ورقم واتساب، والذكاء الاصطناعي اختياري. أنظمة الحجز العالمية زي Fresha وBooksy ما بتحجز من الواتساب بالعربي.

خطة التسويق

ابدأ بالصالونات اللي بتضيع حجوزات على الواتساب: افتحلهم الصفحة الرئيسية وخليهم يحجزوا بالبوت بأنفسهم ويشوفوا الموعد نازل بالتقويم.

الموزّعين بيضيفوه لزباينهم كاشتراك شهري باسمهم.

صفحة الحجز مع QR بتنحط بالبايو وعلى الكاونتر.

التواريخ

آخر تحديث: 8 نوفمبر 2026

انعرض: 8 نوفمبر 2026

المجموع مع الرسوم$209.37